Batumelebi | ნიუ იორკის შტატში კორონავირუსის შემთხვევებმა იტალიის მონაცემებს გადააჭარბა ნიუ იორკის შტატში კორონავირუსის შემთხვევებმა იტალიის მონაცემებს გადააჭარბა – Batumelebi
ნიუ იორკი კორონავირუსი

ნიუ იორკის შტატში კორონავირუსის შემთხვევებმა იტალიის მონაცემებს გადააჭარბა

7 აპრილის მონაცემებით, აშშ-ში, ნიუ იორკის შტატში, კორონავირუსით ინფიცირებულთა რიცხვმა 139 ათასს მიაღწია, რაც აღემატება კორონავირუსით ინფიცირების შემთხვევათა რაოდენობას იტალიაში, სადაც ბოლო მონაცემებით 135 586 ადამიანია ინფიცირებული კორონავირუსით.

აშშ-ი კორონავირუსით მსოფლიოში ყველაზე მეტი ინფიცირებულია – ჯამში 383 256 ადამიანი. ყველაზე მეტად დაზარალდა სწორედ ნიუ იორკის შტატი. ბოლო 24 საათში ნიუ იორკის შტატში 731 ადამიანი გარდაიცვალა COVID19-სგან.

რაც შეეხება იტალიას, ქვეყანაში სულ რეგისტრირებულია კორონავირუსის 135 586 შემთხვევა, გარდაიცვალა 17 127 ადამიანი, გამოჯანმრთელდა – 24 392 პირი.

აშშ-ის შემდეგ კორონავირუსის ყველაზე მეტი შემთხვევა ესპანეთშია დადასტურებული – ჯამში 140 511. ქვეყანაში COVID19-ით გარდაიცვალა 13 897 ადამიანი, გამოჯანმრთელდა – 43 208 პირი.

__________________

ფოტო: ევროპის პრესფოტო სააგენტო.EPA/JUSTIN LANE

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com