მთავარი,სიახლეები

“მედინას” რამდენიმე თანამშრომელი კარანტინში გადაიყვანეს – კლინიკა მუშაობას აგრძელებს

07.04.2020 • 4773
“მედინას” რამდენიმე თანამშრომელი კარანტინში გადაიყვანეს – კლინიკა მუშაობას აგრძელებს

კლინიკა „მედინას“ რამდენიმე თანამშრომელი საკარანტინო ზონაში გადაიყვანეს. მიზეზი პაციენტია, რომელსაც სამედიცინო მომსახურება კლინიკაში გაუწიეს და მას მოგვიანებით კორონავირუსი დაუდასტურდა.

„პაციენტმა მომართა ჩვენი კლინიკის ენდოსკოპისტს, შემოსვლისთანავე  შეიკრიბა ანამნეზი, სადიაგნოსტიკო საშუალებებითა და ანამნეზით მიღებული შედეგით ივარაუდეს, რომ არის კოვიდინფიცირებული. პაციენტი მაშინვე გადაყვანილი იქნა პროფილურ კლინიკაში,“ – ამბობს „ბათუმელებთან“ საუბრისას კლინიკის გენერალური დირექტორი ნინო ქაჯაია.

მისივე თქმით, ყველა ის თანამშრომელი, რომელსაც შეხება ჰქონდა აღნიშნულ პაციენტთან, საკარანტინო ზონაშია გადაყვანილი.

„რა თქმა უნდა,  კლინიკა პაციენტის შემოსვლის მომენტიდან მზად იყო ასეთი პაციენტის მისაღებად, სრულად ითვალისწინებდა მსოფლიო ჯანდაცვის ორგანიზაციისა და საქართველოს ჯანდაცვის სამინისტროს მიერ მოწოდებულ რეკომენდაციებს. უკვე სათანადოდ დამუშავდა კლინიკაში ყველაფერი და ჩვეულ რეჟიმში აგრძელებს მუშაობას,“ – ამბობს კლინიკის გენერალური დირექტორი ნინო ქაჯაია.

ბათუმში COVID-19 დაუდასტურდა ქალს, რომლის ინფიცირების წყარო დადგენილი არ არის

გადაბეჭდვის წესი


ასევე: