Batumelebi | აჭარაში კორონავირუსის შიდაგადაცემა დაფიქსირდა – „დაიცავით სოციალური დისტანცირება“ აჭარაში კორონავირუსის შიდაგადაცემა დაფიქსირდა – „დაიცავით სოციალური დისტანცირება“ – Batumelebi

აჭარაში კორონავირუსის შიდაგადაცემა დაფიქსირდა – „დაიცავით სოციალური დისტანცირება“

დღეს, 7 აპრილს,  ცნობილი გახდა, რომ აჭარაში კორონავირუსი დაუდასტურდა ქალს, რომლის ინფიცირების წყაროც ჯერჯერობით დადგენილი არ არის.

აჭარის ჯანდაცვის მინისტრის მოადგილე, ნინო ნიჟარაძე მოსახლეობას განსაკუთრებული სიფრთხილისკენ მოუწოდებს:

„მოვუწოდებ ყველას, დაიცვას უსაფრთხოება, დაიცვას სოციალური დისტანცირება, მოარიდოს თავი ნებისმიერი საზოგადოებრივი თავშეყრის ადგილას დაყოვნებას, აუცილებლად გამოიყენოს ნიღაბი, სპირტიანი და სადეზინფექციო ხელის ხსნარები. და სოციალური დისტანცირება ისევ და ისევ, თითოეული ჩვენგანი არის პასუხისმგებელი საკუთარი და სხვების ჯანმრთელობაზე,“ – განაცხადა ნინო ნიჟარაძემ.

მისივე თქმით, არის მოლოდინი, რომ მთელს აჭარაში იქნებიან ისეთი პირები, რომელთა ინფიცირების წყარო ვერ იქნება დადგენილი და იდენტიფიცირებული, ამიტომ თითოეული პირი უნდა შეეცადოს საკუთარი თავის დაცვას, სოციალურ დისტანცირებას და მორიდებას სხვა პირებთან ურთიერთობისას.

ვრცლად ამ თემაზე: 

ბათუმში COVID-19 დაუდასტურდა ქალს, რომლის ინფიცირების წყარო დადგენილი არ არის

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com