დღეს, 4 აპრილს, ბათუმის პორტში ორი გემით 63 000 კგ საკვები პროდუქტი და მედიკამენტები შემოვიდა. გემს პრემიერ-მინისტრი გიორგი გახარია, ჯანდაცვის მინისტრი ეკატერინე ტიკარაძე და აჭარის მთავრობის თავმჯდომარე თრონიკე რიჟვაძე დახვდნენ.
ერთ გემზე 40 000კგ საკვებ პროდუქტი იყო დატვირთული, ხოლო მეორე გემზე 23 000კგ საკვები და მედიკამენტები.
გემებს ბათუმის პორტში მთავრობის წარმომადგენლები დახვდნენ
პრემიერის განცხადებით, საქართველოს პორტებში უზრუნველყოფილია გემების უსაფრთხო და დროული შემოსვლა-გასვლა.
„პირველადი მოთხოვნილების პროდუქციით, სახმელეთო გამშვებ პუნქტებთან ერთად, საქართველო საზღვაო პორტების მეშვეობითაც მარაგდება“-ამბობს გახარია.
მთავრობის ინფორმაციით, კორონავირუსის გავრცელების პრევენციისათვის, მარტიდან გამკაცრებულია წესები საქართველოს პორტებში შემომსვლელი გემებისთვის. შემოსვლა დაიშვება მხოლოდ თერმოსკრინინგის გავლის შემდეგ. ასევე, დეზინფექცია უტარდება ტვირთს და ავტოსატრანსპორტო საშუალებას.
ბათუმის პორტში შემოსული გემებზე 40 000კგ საკვებ პროდუქტი და 23 000კგ მედიკამენტებია დატვირთული.
ამავე წყაროს ცნობით, ბათუმის ნავსადგურში ტვირთბრუნვა გაზრდილია. „2020 წლის მარტში ბათუმის პორტში შემოსული ტვირთი 2019 წლის იგივე პერიოდთან შედარებით – 150%-ით არის გაზრდილი, კონტეინერები – 50%-ით, გენერალური ტვირთი კი – 52%“ – აღნიშნულია მთავრობის მიერ გავრცელებულ ინფორმაციაში.
