2020 წლის მარტის თვეში, ხე-ტყის უკანონო მოპოვებისა და ტრანსპორტირების 232 ფაქტი გამოავლინდა. აქედან 8 ფაქტი შეიცავს სისხლის სამართლის დანაშაულის ნიშნებს.
გარემოს დაცვითი ზედამხედველობის დეპარტამენტის ინფორმაციით, ხე-ტყის უკანონო მოპოვებისა და ტრანსპორტირების ყველაზე მეტი – 118 ფაქტი კახეთშია გამოვლენილი, შემდეგ კი იმერეთში , სადაც 34 ფაქტი გამოვლინდა.
იმერეთის შემდეგ, ყველაზე მეტი – 20 ფაქტი, ხე-ტყის უკანონოდ მოპოვების გამოვლენილია აჭარაში, ქვემო ქართლში – 17, სამცხე-ჯავახეთში – 13, შიდა ქართლსა და სამეგრელოში 12.
სამეგრელო-ზემო სვანეთში – 6, მცხეთა-მთიანეთსა და გურიაში – 3-3, რაჭა-ლეჩხუმი ქვემო სვანეთში კი 2 ფაქტი.
მარტის თვეში უკანონო ტყითსარგებლობის ფაქტი გამოვლინდა თბილისშიც. სულ 4 ემთხვევა იყო. მთლიანობაში კი ამოღებულია უკანონოდ მოპოვებული 244 მ3-მდე ხე-ტყე.
ოფიციალური ინფორმაცით, ამავე პერიოდში, დაფიქსირდა სახერხი საამქროს ტექნიკური რეგლამენტის დარღვევის 29 ფაქტი. ასევე, ამოღებულია 13 ერთეული დაურეგისტრირებელი სახერხი.
„მასალები, შემდგომი რეაგირებისთვის, შესაბამის უწყებებშია გადაგზავნილი“.
