გარემოსდაცვითი ზედამხედველობის დეპარტამენტის ინფორმაციით, ნადირობის სეზონის დაწყებამდე 304 უკანონო ნადირობის ფაქტია გამოვლენილი. მათ შორის, აჭარაშიც.
„ყველაზე მეტი – 230 უკანონო ნადირობის ფაქტი გამოვლინდა დასავლეთის რეგიონული სამმართველოს სამოქმედო ტერიტორიაზე.
სამცხე-ჯავახეთში – 21, აღმოსავლეთის რეგიონული სამმართველოს სამოქმედო ტერიტორიაზე – 18, აჭარასა და გურიაში – 14, სამეგრელო-ზემო სვანეთში – 7, ქვემო ქართლში – 6, კახეთში კი 5 ფაქტი გამოავლინეს.
22 აგვისტოდან დღემდე უკანონო ნადირობის 3 ფაქტი გამოვლინდა თბილისშიც“, – ნათქვამია გარემოს ზედამხედველობის სამსახურის მიერ.
ამავე წყაროს ცნობით, 20 შემთხვევაში უკანონოდ მონადირეები გადამფრენი ფრინველების გარემოდან ამოღებაზე დაწესებული მოსაკრებლის გადახდის დამადასტურებელი ქვითრის გარეშე ნადირობდნენ, 12 მონადირეს კი დაურეგისტრირებელი იარაღი აღმოაჩნდა. ამავე პერიოდში 279 ხელნაკეთი მოწყობილობა ე.წ. „მანოკია“ ამოღებული.
