ბათუმში COVID-19-ზე 5 პირის ანალიზის პასუხი ცნობილია. მათ კორონავირუსი არ დაუდასტურდათ. მათ შორისაა ხულოდან გუშინ გადმოყვანილი ქალიც, რომელსაც მაღალი ტემპერატურა ჰქონდა. ამ დრომდე ელოდებიან ორი პირის პასუხს, რომელიც მოგვიანებით გახდება ცნობილი.
2 აპრილის დილის მდგომარეობით, ბათუმში კორონავირუსით დაინფიცირებულ 8 ადამიანს მკურნალობენ. ბათუმში გუშინ COVID-19 დაუდასტურდა 10 წლის ბავშვსაც, რომელიც თბილისში გადაიყვანეს.
2 აპრილს საქართველოში კორონავირუსით დაინფიცირების კიდევ 13 შემთხვევა დადასტურდა. ამ დროისთვის კორონავირუსის დადასტურებული შემთხვევაა – 130, მათ შორის გამოჯანმრთელებულია – 26, კარანტინის რეჟიმშია – 5 550, ხოლო სტაციონარში მეთვალყურეობის ქვეშ იმყოფება 281 ადამიანი.
