Batumelebi | აჭარის პოლიციის უფროსი: მიმდინარეობს მონიტორინგი ქალაქში და სოფლებშიც აჭარის პოლიციის უფროსი: მიმდინარეობს მონიტორინგი ქალაქში და სოფლებშიც – Batumelebi
RU | GE  

აჭარის პოლიციის უფროსი: მიმდინარეობს მონიტორინგი ქალაქში და სოფლებშიც

„დაფიქსირდა საგანგებო რეჟიმის დარღვევის რამდენიმე ფაქტი, რაზედაც შინაგან საქმეთა სამინისტრო დეტალურ ინფორმაციას ავრცელებს პერიოდულად… მოვუწოდებთ მოქალაქეებს, გაგებით მოეკიდონ შეზღუდვებს და მაქსიმალურად შეეცადონ არ დაარღვიონ საგანგებო რეჟიმის პირობები“, – განაცხადა დღეს, 1-ელ აპრილს, აჭარის პოლიციის დეპარტამენტის უფროსმა, კოტე ანანიაშვილმა.

კოტე ანანიაშვილის თქმით, თერმოსკრინინგის დროს დღეს არ დაფიქსირებულა, რომ რომელიმე მოქალაქეს მაღალი ტემპერატურა ჰქონდა.  თერმოსკრინინგით ამოწმებენ მოქალაქეებს და ავტომანქანებს ბლოგ-საგუშაგოებზე.

აჭარის პოლიციის დეპარტამენტის უფროსმა ასევე თქვა, რომ 24 საათის განმავლობაში აკონტორლებენ როგორც ბათუმს, ასევე სოფლებს.

საგანგებო მდგომარეობა ქვეყნის მასშტაბით 21 მარტს გამოცხადდა. 31 მარტიდან კი მოქმედებს კომენდანტის საათი, რაც საღამოს 9 საათიდან დილის 6-მდე გადაადგილების შეზღუდვასაც გულისხმობს როგორც ქვეითებისთვის, ასევე სატრანსპორტო საშუალებებისთვის.

გუშინ კომენდანტის საათის დარღვევისთვის 17 ადამიანი დაჯარიმდა. ქვეყნის მასშტაბით საგანგებო რეჟიმის პირობების 60 შემთხვევა დაფიქსირდა.

ნეტგაზეთის მასალების სხვა გამოცემებში გადაბეჭდვის წესი
ავტორი