Batumelebi | კორონავირუსისგან გამოჯანმრთელდა ჩვენი ყველაზე მძიმე პაციენტი – ლევან რატიანი კორონავირუსისგან გამოჯანმრთელდა ჩვენი ყველაზე მძიმე პაციენტი – ლევან რატიანი – Batumelebi
RU | GE  

კორონავირუსისგან გამოჯანმრთელდა ჩვენი ყველაზე მძიმე პაციენტი – ლევან რატიანი

ლევან რატიანი, თბილისის სახელმწიფო სამედიცინო უნივერსიტეტის პირველი საუნივერსტეტო კლინიკის დირექტორი

_____________________________

„მოგეხსენებათ,  მთელი ქვეყნის მასშტაბით ყველაზე მძიმე პაციენტი იწვა ჩვენს კლინიკაში. ეს იყო ქალბატონი სომატურად დამძიმებული ანამნეზით. დამძიმებული ანამნეზი ნიშნავს, რომ ჯანდაცვის მსოფლიო ორგანიზაცია პირველ ადგილზე აყენებს COVID- 19-ით ინფიცირებას ლეტალურ გამოსავალთან, თუ ანამნეზში გვაქვს არტერიული ჰიპერტენზია და გულის უკმარისობა. სწორედ ასეთ კატეგორიას მიეკუთვნებოდა ქალბატონი.

შემოსვლისთანავე მას დაუდასტურდა ორმხრივი მწვავე პნევმონია, მწვავე სუნთქვის უკმარისობა, მწვავე რესპირატორული სინდრომი. ვინაიდან მედიკოსებისათვის ​უცნობია ვირუსის სტრატეგია, ამიტომ მას ყველანაირი კლინიკურ-ლაბორატორიული კვლევა ჩაუტარდა, როგორც ჯანმოს მიერ მოწოდებული, ასევე ჩვენ მიერ დანიშნული.

პაციენტის მდგომარეობა შემოსვლისთანავე შეფასდა მძიმედ, კრიტიკულად, იმყოფებოდა არაინვაზიურ ფილტვის ხელოვნურ ვინტილაციაზე, ძალიან უჭირდა სუნთქვა, იყო სულმულენტური ანუ ძილიანი.

მინდა, ყველას ვუთხრა, რომ ეს ქალბატონი დღეს ეწერება ბინაზე. ანუ კიდევ ერთ, ქართული მედიცინის გამარჯვებად მინდა ჩავთვალო, რომ ასეთი პაციენტი გამოჯანმრთელებული, ვირუსის გარეშე მეთოთხმეტე დღეს მიდის კლინიკიდან. 

ეს, რა თქმა უნდა, ამ კლინიკის მედპერსონალის დამსახურებაა და მინდა მადლობა გადავუხადო ყველა იმ ადამიანს, რომელიც დღეს ჩვენს გუნდში არის.

ეს ქალბატონი ორი კვირა გადავა თვითიზოლაციაში და გააგრძელებს ცხოვრებას ისე, როგორც ცხოვრობდა“.

____________________

წყარო: TV პირველი 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.