Batumelebi | „მედალფაში“ ერთ პაციენტს იკვლევენ COVID-19-ზე, 80 წლის კაცის მდგომარეობა კვლავ მძიმეა „მედალფაში“ ერთ პაციენტს იკვლევენ COVID-19-ზე, 80 წლის კაცის მდგომარეობა კვლავ მძიმეა – Batumelebi

„მედალფაში“ ერთ პაციენტს იკვლევენ COVID-19-ზე, 80 წლის კაცის მდგომარეობა კვლავ მძიმეა

პირველი აპრილის მდგომარეობით, ბათუმში, კლინიკა „მედალფაში“, კორონავირუსის დიაგნოზით მოთავსებული რვა პაციენტების ჯანმრთელობის მდგომარეობა არ შეცვლილა.

ერთი პაციენტის მდგომარეობა, რომელიც 80 წელსაა გადაცილებული, შედარებით მძიმეა, მას ორმხრივი პნევმონია აქვს და კვლავ ხელოვნურ სუნთქვაზე იმყოფება. გარდა ამისა, კიდევ ერთ პაციენტს აღენიშნება ორმხრივი პნევმონია.

დანარჩენი 6 პაციენტი თავს კარგად გრძნობს.

„მედალფას“ აჭარა-გურიის რეგიონალური დირექტორის, ლევან ანთაძის ინფორმაციით, კლინიკაში კიდევ ერთ საეჭვო პაციენტს იკვლევენ. ლევან ანთაძე ამბობს, რომ კვლევის პასუხი დღეს გახდება ცნობილი.

დღეის მონაცემებით [13:00 სთ] საქართველოში კორონავირუსის დადასტურებული შემთხვევაა 115, მათ შორის გამოჯანმრთელებულია – 23, კარანტინის რეჟიმშია – 5106 და სტაციონარში მეთვალყურეობის ქვეშაა 294 პირი.

ნეტგაზეთის მასალების სხვა გამოცემებში გადაბეჭდვის წესი
ავტორი