მთავარი,სიახლეები

ღამემ მშვიდად ჩაიარა – შსს

01.04.2020 • 1054
ღამემ მშვიდად ჩაიარა – შსს

„მოქალაქეები, მთელი ქვეყნის მასშტაბით ინფორმირებულნი იყვნენ საგანგებო რეჟიმის და ე.წ. კომენდანტის საათის ფარგლებში ამოქმედებული რეგულაციების შესახებ, შესაბამისად, ღამემ მშვიდად ჩაიარა. საგანგებო მდგომარეობის ფარგლებში დაწესებული დარღვევევის შემთხვევებზე პოლიციამ მყისიერი რეაგირება მოახდინა“ – აცხადებს შსს.

კომენდანტის საათი გუშინ, 31 მარტს, 21 საათზე დაიწყო და დღეს დილის 6 საათამდე გაგრძელდა.

საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით. განმეორებით საგანგებო მდგომარეობის რეჟიმის დარღვევა წარმოადგენს სისხლის სამართლის დანაშაულს და ითვალისწინებს 3 წლამდე ვადით თავისუფლების აღკვეთას.

კორონავირუსის გავრცელების საპრევენციო ღონისძიებებში, ქვეყნის მთელ ტერიტორიაზე, 31 მარტიდან თავდაცვის ძალებიც  ჩაერთო.

საქართველოში საგანგებო მდგომარეობის ფარგლებში მოქმედ შეზღუდვებსა და დაშვებებთან დაკავშირებით ხშირად დასმულ კითხვებზე პასუხები ნახეთ ბმულზე:

რისი უფლება გაქვთ და რა გეზღუდებათ კარანტინის დროს – პასუხი 18 შეკითხვაზე

 

გადაბეჭდვის წესი


ასევე: