Batumelebi | ათონის მთაზე კიდევ სამ ბერს დაუდასტურდა კორონავირუსი ათონის მთაზე კიდევ სამ ბერს დაუდასტურდა კორონავირუსი – Batumelebi

ათონის მთაზე კიდევ სამ ბერს დაუდასტურდა კორონავირუსი

კორონავირუსი აღმოაჩნდა საბერძნეთში, ათონის მთის მონასტერში კიდევ სამ ბერს, რომლებიც მოგზაურობდნენ ინგლისში იმ ბერთან ერთად, რომელსაც რამდენიმე დღის წინ დაუდასტურდა COVID-19 – იუწყება ბერძნული მედია.

ბერების ასაკი 40-55 წელია.

COVID-19-ით ინფიცირებული ბერები ერთად იმყოფებოდნენ ინგლისსა და შოტლანდიაში 5-17 მარტს, სადაც ისინი მიწვეულნი იყვნენ. ისინი ჩამოსვლის შემდეგ მონასტერში, კარანტინში იმყოფებოდნენ.

ინფიცირებული ბერები თესალონიკის კლინიკაში გადაიყვანეს.

ათონის მთა ერთი კვირის წინ დაიკეტა ვიზიტორებისთვის კორონავირუსის პანდემიის გამო.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com