კორონავირუსი დაუდასტურდა ახალგაზრდას, რომელიც კახეთში დაკრძალვაზე იმყოფებოდა.
გურჯაანის მერიის განცხადებით, ახალგაზრდა 19 მარტს ოჯახის წევრის დაკრძალვაზე ჩავიდა თბილისიდან კახეთში, გურჯაანის მუნიციპალიტეტის სოფელ კარდენახში.
„გურჯაანის საზოგადოებრივი ჯანმრთელობის დაცვის სამსახურის ეპოდემიოლოგები, მერიის ზედამხედველობის სამსახურთან, პოლიციასთან და შესაბამის სხვა უწყებებთან ერთად, აქტიურად მუშაობენ აღნიშნული პიროვნების კონტაქტების დადგენაზე,“ – აცხადებს გურჯაანის მერია.
ამ დროის მონაცემებით [31 მარტი, 17 სთ] საქართველოში კორონავირუსის 110 შემთხვევაა დადასტურებული, მათგან გამოჯანმრთელდა 21.