Batumelebi | კორონავირუსის ერთი შემთხვევა სოფლის ექიმმა ამოიცნო – მას მადლობა გადაუხადეს კორონავირუსის ერთი შემთხვევა სოფლის ექიმმა ამოიცნო – მას მადლობა გადაუხადეს – Batumelebi
RU | GE  

კორონავირუსის ერთი შემთხვევა სოფლის ექიმმა ამოიცნო – მას მადლობა გადაუხადეს

„მე მინდა მადლობა გადავუხადო სოფლის ექიმს, მან მშვენივრად შეძლო [კორონავირუსის] შემთხვევის ამოცნობა და შემდეგ ისევ მათი დახმარებით დავადგინეთ ათეულობით კონტაქტი,“ – განაცხადა დღეს, 31 მარტს, გამართულ ბრიფინგზე დაავადებათა კონტროლის ეროვნული ცენტრის გენერალური დირექტორის მოადგილემ პაატა იმნაძემ.

მან დღეს მადლობა ბოლნისის მუნიციპალიტეტის სოფელ კაპანახჩის ექიმს და მუნიციპალიტეტის საზოგადოებრივი ჯანდაცვის ცენტრის ხელმძღვანელს გადაუხადა:

„განსაკუთრებული მადლობა მინდა გადავუხადო ბოლნისის რაიონის სოფელ კაპანახჩის ექიმს, რომელმაც ძალიან კარგად იცოდა ყველა ის რეგულაცია, რომელიც დიდი ხანია დევს დაავადებათა კონტროლის ეროვნული ცენტრის ვებგვერდზე, თუ  რა არის შესაძლო შემთხვევა, მშვენივრად გამოიყენა ალგორითმი, ის, რაც მას ჰქონდა ჩვენი ვებგვერდიდან, მე მისთვის პერსონალური ტრენინგი არ ჩამიტარებია.  წაიკითხა რა ეწერა ვებგვერდზე და მშვენივრად შეძლო შემთხვევის ამოცნობა.

მადლობა ამ რაიონის საზოგადოებრივი ჯანდაცვის ცენტრის დირექტორს ქალბატონ მაკას, რომლისთვისაც ასევე არ ჩაგვიტარებია პერსონალური ტრენინგი, მაგრამ ის რაც იდო ჩვენს ვებგვერდზე, ყველაფერი მშვენივრად იცოდა და ასე იპოვეს ძალიან მნიშვნელოვანი ერთი შემთხვევა, რომლის შემდეგაც, ისევ მათი დახმარებით, დავადგინეთ ძალიან ბევრი კონტაქტი და ეს კონტაქტები იყო ათეულობით,“ – განაცხადა პაატა იმნაძემ ბრიფინგზე.

გახარია: ოჯახის ექიმები გახდებიან ვირუსისგან დაცვის წინა ხაზის მებრძოლები

ნეტგაზეთის მასალების სხვა გამოცემებში გადაბეჭდვის წესი
ავტორი