30 მარტის მონაცემებით იტალიაში კორონავირუსით 101 739 ადამიანია ინფიცირებული. ბოლო 24 საათში სულ 1 648 ახალი შემთხვევაა დაფიქსირებული. ახალი შემთხვევების ოდენობა ფაქტობრივად განახევრებულია. შედარებისთვის გუშინ, 29 მარტს, 3 815 ახალი შემთხვევა იყო დაფიქსირებული.
ასევე, ოფიციალური მონაცემებით, ბოლო 24 საათში კორონავირუსით 812 ადამიანი გარდაიცვალა. კორონავირუსის ეპიდაფეთქებიდან დღემდე, 30 მარტამდე, ვირუსით 11 591 ადამიანია გარდაცვლილი.
30 მარტის მდგომარეობით იტალიაში კორონავირუსზე 477 359 ადამიანს ჩაუტარდა ტესტი. 101 739 -ს კი დაუდასტურდა. ყველაზე მეტი, 42 161 ინფიცირებული, ლომბარდიის რეგიონში ცხოვრობს. 13 531 ემილია-რომანიაში, 8 724 ვენეტოში და 8 712 პიემონტეში. ყველაზე ცოტა ინფიცირებული ბაზილიკატას (214) და მოლისეს (134) რეგიონებშია.
