„აკრძალურია 70 წელს გადაცილებული ჩვენი მოქალაქეების სახლიდან გასვლა, გარდა იმ შემთხვევებისა, როცა ისინი მიდიან უახლოეს სასურსათო მაღაზიაში, უახლოეს აფთიაქში, ან უახლოეს სამედიცინო დაწესებულებაში“ – განაცხადა საქართველოს პრემიერ-მინისტრმა, გიორგი გახარიამ დღეს, 30 მარტს გამართულ ბრიფინგზე. მან ქვეყანაში კარანტინი და კომენდანტის საათი გამოაცხადა, რაც გულისხმობს საღამოს 9 საათიდან დილის ექვს საათამდე ქუჩაში გადაადგილების შეზღუდვას, როგორც ფეხით, ისე ტრანსპორტით.
„იმ შემთხვევაში, თუ ჩვენი 70 წელს გადაცილებული მოქალაქები არიან მარტოხელები, მათ ვალდებულია დაეხმაროს ეკონომიკის სამინისტრო, ჯანდაცვის სამინსიტრო და ადგილობრივი მუნიციპალიტეტები“ – განაცხადა პრემიერ-მინისტრმა.
კარანტინი და კომენდანტის საათი ხვალ, 31 მარტს, დილიდან შევა ძალაში.
30 მარტის განახლებული მონაცემებით, საქართველოში კორონავირუსის 100 შემთხვევაა დადასტურებული.
მათგან სამი პაციენტის შემთხვევაში ინფიცირების წყარო დადგენილი არ არის – ამის შესახებ დღეს საქართველოს პრემიერმა, გიორგი გახარიამ განაცხადა.
