30 მარტის მონაცემებით [14:00 საათი], მსოფლიოში კორონავირუსის დადასტურებული შემთხვევების რაოდენობა 732 100 -ს გასცდა. ჯონ ჰოპკინსის სამედიცინო უნივერსიტეტის მონაცემების მიხედვით, მსოფლიოში ვირუსით გარდაიცვალა 34 000 ადამიანი.
აშშ- ში ინფიცირებულთა რაოდენობამ ჩინეთისა და იტალიის მონაცემებს გადააჭარბა. აშშ-ში დღეის მონაცემებით ახალი კორონავირუსი ინფიცირების ყველაზე მეტი დადასტურებული შემთხვევა ფიქსირდება – 143 055 ინფიცირება, 2400 – გარდაცვლილი.
ახალი კორონავირუსის დადასტურებული შემთხვევებით მეორე ადგილზეა იტალია, სადაც ეს მაჩვენებელი 97 689-ია, გარდაცვლილთა რაოდენობა კი – 10 779.
ესპანეთში COVID-19-ის დადასტურებული შემთხვევების რაოდენობამ ჩინეთის მონაცემებს გადააჭარბა – აღრიცხულია 85 195 შემთხვევა, COVID-19-ით გარდაიცვალა 7 340 ადამიანი.
პრეზიდენტმა დონალდ ტრამპმა სოციალური დისტანცირების ვადა 15-იდან 30 აპრილამდე გადაავადა. ტრამპი ამბობს, რომ წინასწარი გათვლით პიკი სავარაუდოდ ორ კვირაში იქნება.
რუსეთის დედაქალაქში 30 მარტიდან კარანტინი გამოცხადდა, რა ვადით – ჯერ უცნობია.
ინდოეთში 1.3 მილიარდი ადამიანია კარანტინში.
დღესვე ცნობილი გახდა, რომ თურქეთის 14 ქალაქში კარანტინი გამოცხადდა.
____________
ფოტო: ევროპის პრესფოტოსააგენტო. EPA-EFE/SERGIO PESCI
23.04.2024
23.04.2024
