Batumelebi | იცვლება მუნიციპალური ავტობუსების მარშრუტები – ბათუმის მერიის განცხადება იცვლება მუნიციპალური ავტობუსების მარშრუტები – ბათუმის მერიის განცხადება – Batumelebi
RU | GE  

იცვლება მუნიციპალური ავტობუსების მარშრუტები – ბათუმის მერიის განცხადება

ბათუმის მერიის ინფორმაციით, დროებით გაუქმდა N17 სამარშრუტო ხაზი და აღნიშნული სამარშრუტო ხაზის ავტობუსები გადანაწილდება N12 და N16 მარშრუტებზე.

მერიის განცხადებით, ეს მგზავრთა ინტერესების გათვალისწინებით მოხდა, რადგან აღნიშნულ მარშრუტებზე მგზავრთა მეტი ნაკადია.

მერიის ინფორმაციით, N12 მუნიციპალური ავტობუსი იმოძრავებს მაიაკოვსკის ქუჩიდან ჭავჭავაძის ქუჩის გავლით, ხელვაჩაურის მიმართულებით, 7-წუთიანი ინტერვალით.

N16 მუნიციპალური ავტობუსი კი იმოძრავებს მაიაკოვსკის ქუჩიდან სარფის მიმართულებით, 18-წუთიანი ინტერვალით.

N2 მუნიციპალური ავტობუსი მოძრაობდა ქვედა სამებამდე, ამჟამად კი იმოძრავებს ახალშენის ცენტრამდე.

ახალი სამარშრუტო ხაზი, დროებით, დაინიშნა თბილისის მოედნიდან ორთაბათუმის მიმართულებით.

ამჟამად ბათუმში მხოლოდ მუნიციპალური ტრანსპორტი მოძრაობს. კორონავირუსის პრევენციის მიზნით, 18 მარტიდან საქართველოში მიკროავტობუსების გადაადგილება შეიზღუდა.

ამავე თემაზე:

რამდენად შესაძლებელია კორონავირუსის პრევენცია მგზავრებით სავსე ავტობუსში?

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com