დღეს, 20 მარტს, აჭარის 4 მუნიციპალიტეტში 16-ზე მეტ სოფელს ელექტროენერგიის მიწოდება შეუწყდება.
ხელვაჩაურში ელექტროენერგიის მიწოდება 11:00-17:00 საათამდე შეუწყდება სოფლებს: ქედქედი, ჩიქუნეთი, აჭარის აღმართი და მიმდებარე სოფლებს.
ქობულეთში 11:00-16:00 საათამდე სოფლებს: ბუკნარი, საჩინო, შუაღელე, ჩაისუბანი, გორგაძეები და მიმდებარე სოფლები. ასევე, დაბა ჩაქვის ნაწილს.
ქედაში, 11:00 -17:00 საათამდე, ელექტროენერგიას ვერ მიიღებენ სოფლები: მერისი, მეძიბნა, გუნდაური და მიმდებარე სოფლები.
შუახევში გაეთიშება ასევე ელექტრონერეგია 12:00-17:00 საათამდე შემდეგ სოფლებს: ჭვანა, ბარათაული, შუბანი, ტბეთი და მიმდებარე სოფლებს.
როგორც „ბათუმელებს“ „ენერგო-პრო ჯორჯიაში” უთხრეს, ელექტროენერგიის გათიშვა გეგმიურ სარეაბილიტაციო სამუშაოებს უკავშირდება.
