დღეს, 19 მარტს, ბათუმის ღვთისმშობლის შობის სახელობის საკათედრო ტაძრიდან ქალაქის კურთხევა დაიწყო. როგორც ბათუმისა და ლაზეთის ეპარქიის ფეისბუქგვერდზე ვკითხულობთ, ბათუმის გარდა აკურთხებენ ხელვაჩაურსა და ქობულეთს.
დილის 11 საათიდან საკათედრო ტაძართან ავტომობილები იყო მობილიზებული, თუმცა როგორც შემდეგ გაირკვა, ქალაქის კურთხევა, მეუფის ბრძანებით, მანქანებიდან არ მოხდება და სასულიერო პირები ქალაქს ფეხით შემოივლიან.
ქალაქების კურთხევა კრონავირუსის პრევენციის მიზნით, საქართველოს პატრიარქის, ილია მეორეს ინიციატივით ხდება. გუშინწინ, 17 მარტს, მართლმადიდებელმა სასულიერო პირებმა აკურთხეს თბილისის ქუჩებიც.