Batumelebi | როგორ ცხოვრობს კარანტინში ჩინეთი, იტალია, ესპანეთი, საბერძნეთი და გერმანია როგორ ცხოვრობს კარანტინში ჩინეთი, იტალია, ესპანეთი, საბერძნეთი და გერმანია – Batumelebi

როგორ ცხოვრობს კარანტინში ჩინეთი, იტალია, ესპანეთი, საბერძნეთი და გერმანია

კორონავირუსის გამო ევროპის რამდენიმე ქვეყანაში კარანტინია გამოცხადებული. ჩინეთის შემდეგ ყველაზე დიდი ეპიდემიური აფეთქება კი იტალიაშია. იტალია 10 მარტის შემდეგ კარანტინში ცხოვრობს. მოქალაქეებს სახლების დატოვება მხოლოდ გადაუდებელი აუცილებლობის შემთხვევაში – სასურსათო მაღაზიაში ან აფთიაქში წასასვლელად შეუძლიათ.

სოციალური ქსელი სავსეა ვიდეოებით, თუ როგორ ატარებენ იტალიელები დღეებს კარანტინში.

იტალიის მთავრობა ყოველ საღამოს, 6 საათზე, აცხადებს  კორონავირუსით გარდაცვლილთა რაოდენობის, ასევე, ახალი ინფიცირების დადასტურებულ შემთხვევებისა და გამოჯანმრთელებული პაციენტების შესახებ. ყოველდღე, საღამოს 6 საათზე, იტალიელები საკუთარი სახლების აივნებზე გამოდიან, უკრავენ, მღერიან და ერთმანეთს ამხნევებენ.

 

შეიძლება იფიქროთ, რომ ეს ვიდეო რომელიმე ფილმიდან ნაწყვეტია, მაგრამ ეს ასე არაა. “ახლოს, მაგრამ ამავე დროს შორს” – ასე ჰქვია ვიდეოს, სადაც ნაჩვენებია, როგორ სადილობენ იტალიელები “ერთად”, მაგრამ ცალ-ცალკე, თავიანთი სახლების აივნებზე.

La DOMENICA con il CORONAVIRUS

Vicini, anche dal lontano.

Posted by Casa Surace on კვირა, 15 მარტი, 2020

იტალიის მსგავსად კარანტინში მყოფი ესპანელები  იუმორის გრძნობას არ კარგავენ. ბოლო დღეებში ხალხი მსოფლიოს სხვადასხვა ქვეყანაში ტუალეტის ქაღალდს უფრო ყიდულობს, ვიდრე საკვებს. ვალენსიელი წყვილი ასე გამოეხმაურა ამ ფაქტს.

Un poquito de humor para entretenerse, jajajaja

Posted by Lola Temprado Serrano on კვირა, 15 მარტი, 2020

ეს კადრები კი ბარსელონაშია გადაღებული.

La Cuarentena en Barcelona. 👏🙏💪

Posted by 99,431,413,881 people on კვირა, 15 მარტი, 2020

 

იცით, ალბათ, რომ იტალიაში ყველაფერი დაკეტილია. ამ პალერმოელმა კაცმა გადაწყვიტა, მეზობლებისთვის გაემიქსა და ღამის დისკოთეკა მოეწყო აივნიდან.

Programmi per stasera? A Palermo si fa discoteca sui balconi

Posted by Ubriachi fanno cose on შაბათი, 14 მარტი, 2020

იტალიელების მსგავსად ერთ გერმანელსაც გაუჩნდა სურვილი, სიმღერით გაემხნევებინა კარანტინში მყოფი მეზობლები, თუმცა მის ამ ინიციატივას სამეზობლო სიხარულით არ შეხვდა.

Quarantäne in Deutschland 🇩🇪

Posted by Ausländer Deutschland on შაბათი, 14 მარტი, 2020

 

კორონავირუსს ებრძვის საბერძნეთიც. წუხელ, 15 მარტს, ათენის დროით 21:00 საათზე, ათასობით ბერძენი გამოვიდა საკუთარი სახლის აივანზე და ტაშით გაამხნევა ის სამედიცინო პერსონალი, რომელიც შეუსვენებლივ მუშაობს კორონავირუსის დასამარცხებლად.

2020 წლის იანვარში ყველაფერი ვუჰანიდან დაიწყო. კარანტინის ზონაში მოქცეულ ვუჰანში ადამიანები სახლების აივნებზე გამოვიდნენ და ერთმანეთი სიმღერით გაამხნევეს.

______________

მთავარი ფოტო: ევროპის პრესსააგენტო. EPA/ANGELO CARCONI

ნეტგაზეთის მასალების სხვა გამოცემებში გადაბეჭდვის წესი
ავტორი