დღეს, 12 მარტს, საქართველოს მთავრობის სხდომაზე, გიორგი გახარიამ განაცხადა, რომ კორონავირუსთან დაკავშირებით მოქმედი უწყებათაშორის საბჭოს ერთ-ერთი ყველაზე მთავარი გამოწვევა, რასაც ეს საბჭო მუშაობის დროს წააწყდა, არის თვითიზოლაციის რეჟიმის დაცვა.
გახარიამ ისაუბრა მოქალაქეების პასუხისმგებლობაზე და თქვა, რომ ადამიანებს, რომლებიც პოტენციურად შეიძლება იყვნენ ვირუსის მატარებლები, აქვთ ვალდებულება სხვა მოქალაქეების წინაშე. შესაბამისად, თვითიზოლაციაში მყოფი პირები ვალდებული არიან თვითიზოლაციის რეჟიმი მკაცრად დაიცვან.
„ვავალებ შს სამინისტროს, სრულ კოორდინაციაში ჯანდაცვის სამინისტროსთან, უზრუნველყონ ზუსტი და წესების შესაბამის აღსრულება თვითიზოლაციის, იმ მოქალაქეების, რომელიც განსაზღვრულია ჯანდაცვის სამინისტროს მიერ“ – განაცხადა გიორგი გახარიამ.
დღეის მონაცემები საქართველოში კორონავირუსი 24 პირს დაუდგინდა. მათ შორის 1 ბავშვია.
