მთავარი,სიახლეები

ბათუმში ახალი გაზსაცავების მოწყობის გზშ-ის საჯარო განხილვა 7 აპრილსაა ჩანიშნული

18.03.2020 • 1051
ბათუმში ახალი გაზსაცავების მოწყობის გზშ-ის საჯარო განხილვა 7 აპრილსაა ჩანიშნული

შპს „ბათუმის ნავთობტერმინალი“ არსებული 5 000 კუბ/მ მოცულობის თხევადი აირის საცავის გვერდით 7 ახალი საცავი რეზერვუარის მოწყობას აპირებს, რომელთა მოცულობა ჯამში 21 000 კუბ/მ იქნება.

საქართველოს გარემოს დაცვისა და სოფლის მეურნეობის სამინისტროს ინფორმაციით, კომპანიის მიერ მომზადებული გზშ-ს განხილვა 2019 წლის 7 აპრილს, 16:00 საათზე, ბათუმის მერიის ადმინისტრაციულ შენობაში გაიმართება მისამართზე – ბათუმი, იუსუფ ფაღავას N 69.

კორონავირუსის გავრცელების პრევენციის მიზნით სამინისტრომ, მთელი ქვეყნის მასშტაბით, ამ ეტაპზე მხოლოდ 2020 წლის 1-ელ აპრილამდე ჩანიშნული სხვა ანალოგიური საჯარო განხილვები გადადო [გაურკვეველი ვადით].

„საჯარო განხილვების ჩატარების შესახებ ინფორმაცია გეცნობებათ კანონმდებლობით გათვალისწინებული ვადების დაცვით“ – აღნიშნულია სამინისტროს განცხადებაში.

ბათუმში 7 აპრილს დაგეგმილი საჯარო განხილვა კი ღიაა და მასში მონაწილეობის, ასევე შენიშვნებისა და მოსაზრებების წარდგენის უფლება აქვს ნებისმიერ პირს. ამასთან, წერილობითი შენიშვნები და მოსაზრებები დაინტერესებულ პირებს შეუძლიათ წარუდგინონ გარემოს დაცვისა და სოფლის მეურნეობის სამინისტროს თბილისში, ან ელფოსტით.

ამ თემაზე:

ბათუმში 7 ახალი გაზსაცავის მოწყობაზე ნავთობტერმინალი გზშ-ს მოამზადებს

 

გადაბეჭდვის წესი


ასევე: