Batumelebi | აჭარის ტელევიზიის ჟურნალისტი გიორგი კოხრეიძეს: „პასუხისგება მოგიწევთ“ აჭარის ტელევიზიის ჟურნალისტი გიორგი კოხრეიძეს: „პასუხისგება მოგიწევთ“ – Batumelebi
RU | GE  

აჭარის ტელევიზიის ჟურნალისტი გიორგი კოხრეიძეს: „პასუხისგება მოგიწევთ“

პროტესტის ნიშნად აჭარის ტელევიზია ჟურნალისტმა ნინო ხოზრევანიძემ დატოვა. იგი ამ დრომდე მაუწყებლის თბილისის ბიუროში მუშაობდა. ჟურნალისტმა საკუთარ ფეისბუქგვერდზეც გამოაქვეყნა განცხადება, რომელიც მან აჭარის ტელევიზიის დირექტორს, გიორგი კოხრეიძეს გაუგზავნა. დღეს მაუწყებელმა გაავრცელა ინფორმაცია, რომ გიორგი კოხრეიძემ ნინო ხოზრევანიძის განცხადება დააკმაყოფილა.

„ბატონო გიორგი, რომ ვფიქრობდე გაუაზრებლად აზიანებთ მაუწყებელს, თქვენთან დალაპარაკებას ვცდიდი, მაგრამ დღითიდღე ვრწმუნდები, როგორ მიზანმიმართულად, ნაბიჯ-ნაბიჯ ანგრევთ, ანადგურებთ მაუწყებლის იდეას. პროცესები იმდენად შეუქცევადია, რომ აზრს ვეღარ ვხედავ დავრჩე ხელფასისთვის, თქვენს ქუდქვეშ ყოფნა მიუღებელია ჩემთვის,“ – წერს ნინო ხოზრევანიძე.

ჟურნალისტ ნინო ხოზრევანიძის განცხადება დირექტორ გიორგი კოხრეიძეს

აჭარის ტელევიზიის დირექტორისთვის მიწერილ წერილში ჟურნალისტი აღნიშნავს იმასაც, რომ მისი აზრით დირექტორის მოადგილის პოზიცია ვახო ხუზმიაშვილს „მოარგეს“, როცა კონკურსანტისგან მხოლოდ ბაკალავრის დიპლომი მოითხოვეს.

ნინო ხოზრევანიძე მიიჩნევს, რომ გუშინდელი ფაქტი, როცა საინფორმაციო სამსახურის უფროსის ყოფილი მოადგილე მაია მერკვილაძე საინფორმაციო სამსახურს ჩამოაშორეს, „სცდება ყოველგვარ მორალურ ზღვარს“.

„მაუწყებლის ნგრევის პროცესში, რომელიც ნათია კაპანაძის იმპიჩმენტით დაიწყო და ნათია ზოიძის იძულებით წასვლით გაგრძელდა, იცით, რომ თქვენ ხართ რიგითი შემსრულებელი. გახსოვდეთ, რომ ყველაფერი დროებითია და თქვენი ქმედებებისთვის პასუხისგება მოგიწევთ,“ – აღნიშნავს ნინო ხოზრევანიძე.

დღეს, 25 თებერვალს, აჭარის ტელევიზიაში ალტერნატიულმა პროფკავშირმა გაფიცვის პროცედურა დაიწყო.

____

მაია მერკვილაძის პოზიციაზე ჟურნალისტი ნინო ხაჟომია დანიშნეს.

ზეწოლის გამო დირექტორის მოადგილის პოზიცია დატოვა ნათია ზოიძემ.

ნათია ზოიძის წასვლის შემდეგ მოადგილედ ვახტანგ ხუზმიაშვილი დანიშნეს.

ნათაი ზოიძის წასვლასა და შემდეგ განვითარებულ პროცესებს გამოეხმაურა „რეპორტიორები საზღვრებს გარეშე“.

ორგანიზაციის შეფასებით ეს არის პოლიტიკური ზეწოლა

ნეტგაზეთის მასალების სხვა გამოცემებში გადაბეჭდვის წესი
ავტორი