Batumelebi | მაია მერკვილაძე: შემომითვალეს, ახალი ამბების რედაქტორი აღარ ვიქნები მაია მერკვილაძე: შემომითვალეს, ახალი ამბების რედაქტორი აღარ ვიქნები – Batumelebi

მაია მერკვილაძე: შემომითვალეს, ახალი ამბების რედაქტორი აღარ ვიქნები

აჭარის მაუწყებლის საინფორმაციო სამსახურის უფროსის მოადგილე და მთავარი საინფორმაციო გამოშვების რედაქტორი მაია მერკვილაძე თავის ფესიბუქგვერდზე წერს: „მოკლედ, ვიცი გაინტერესებდათ, შემომითვალეს, ახალ ამბებში რედაქტორად აღარ ვიქნები. ნინო ხაჟომია მოდის რედაქტორად“.

მაია მერკვილაძეს გასულ კვირას პროტესტის ფონზე გაუუქმა ახალმა დირაქტორმა შტატი. ამ შტატის გაუქმებას მაუწყებლის სამი მრჩეველი დათანხმდა.

მაია მერკვილაძის თავისი პოზიციიდან გაშვების პარალელურად მაუწყებელში ნინო ხაჟომია დანიშნეს. „ბათუმელებმთან“ სატელეფონო საუბარში ნინო ხაჟომიამ აჭარის ტელევიზიაში დანიშვნის შესახებ ინფორმაცია დაადასტურა. მან თქვა, რომ „მოემგზავრება ბათუმისკენ და სამ საათში ბათუმში იქნება“.

მაია მერკვილაძის რედაქტორობიდან გათავისუფლებას ასე გამოეხმაურა აჭარის ტელევიზიის  დირექტორის ყოფილი მოადგილე ნათია ზოიძე: „მაია მერკვილაძეც მოიშორეს საინფორმაციო პოლიტიკის სტაფიდან, ხელისუფლების სპეცოპერაცია დასასრულს უახლოვდება, სუსის აგენტებით გაავსეთ ტელევიზია, ბრავო, ბრავო! მაია მერკვილაძე რა გითხრა არც კი ვიცი, ჩვენ კი ვიცოდით რასაც ვამბობდით, მაგრამ კიდევ არის ხალხი ალბათ გარეთ და შიგნით ვინც გვეტყვის: დადეთ ფაქტები“.

____________

ფოტოზე: ნინო ხაჟომია, მაია მერკვილაძე

ამავე თემაზე: 

აჭარის ტელევიზიის დირექტორის მოადგილედ ვახო ხუზმიაშვილი დახურულ კონკურსზე აირჩიეს

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან