სიახლეები

როგორ იბრძვის საფრანგეთის პატარა სოფლის მერი ტრადიციული ადგილების გადასარჩენად 

12.02.2020 • 3154
როგორ იბრძვის საფრანგეთის პატარა სოფლის მერი ტრადიციული ადგილების გადასარჩენად 

საფრანგეთის ჩრდილოეთით, ნორმანიდიის პატარა სოფელ კიტბეფის მერი ბენუა ჰენარტი სოფლის ტრადიციული შენობა-ნაგებობების, მაღაზიების, საკონდიტროებისა და სავაჭრო დახლების შესანარჩუნებლად იბრძვის.

ევრე, ლუვიე და ლე ნოიბურგი შედარებით დიდი ადმინისტრაციული ერთეულებია, რომელთა შუაგულშიც სოფელი კიტბეფი მდებარეობს და შესაბამისად, იქ გახსნილმა დიდმა სავაჭრო ცენტრებმა ახლომდებარე სოფელ კიტბეფში  ძველი, ტრადიციული მაღაზიების, საპარიკმახეროების, საკონდიტროებისა და დისკოკლუბის დახურვა გამოიწვია. 

სოფელ კიტბეფში სულ 652 მცხოვრებია, ფუნქციონირებს ერთი, ოთხკლასიანი სკოლა. ჩინოვნიკი მიიჩნევს, რომ მერის უპირველესი მოვალეობა მისი ქალაქისა თუ სოფლის ტრადიციული ადგილების შენარჩუნება, მოვლა და მოსახლეობის ინტერესების გათვალისწინებაა.

„ყველაფერს ვაკეთებ, რომ ამ სოფლის ტრადიციული მაღაზიები, დაწესებულებები შევინარჩუნო. ჩემი, როგორც ხალხის მიერ არჩეული ჩინოვნიკის მოვალეობა საკუთარი სოფლის დახმარებაა, მისი ტრადიციული ადგილების შენარჩუნება, ხალხის ინტერესების დაცვა, წინააღმდეგ შემთხვევაში უსულო სისტემის ნაწილები გამოვდივართ,“ – ამბობს ბენუა ჰენარტი. 

თავიდან მერმა სოფლის ფოსტა მიუერთა მერიას, რომ არ გაუქმებულიყო, შემდეგ ფიზიოთერაპევტი, ექთანი და ექიმი ჩამოიყვანა სოფელში, რომლებსაც კარგად აღჭურვილი შენობა გადასცა, აღადგინა სოფლის ადგილობრივი პურის ქარხანა და თავად სოფლის მცხოვრებლების მიერ 2000 ევროდ გამოსყიდულ ძველ კაფეში დაიწყო მუშაობა ბარმენად. 

კიტბეფის ერთ-ერთ მცხოვრებს, რომელმაც  ტრადიციული მაღაზიის გასხვისება გადაწყვიტა, მერმა 20 წლით ასესხა 200 000 ევრო – ადგილზე ძველი მაღაზიის  შენარჩუნებისთვის. ბენუა ჰენარტი მოხალისეებთან ერთად საკონდიტროებსა და საცხობებს არემონტებს, თავად ამუშავებს პროდუქტების მაღაზიასა და ბარს. 

ამჯერად სოფელ კიტბეფის ხორცის მაღაზიებში ყასბების დეფიციტია, რის აღმოფხვრასაც მერი მალე აპირებს, სურს ასევე სტომატოლოგიური კაბინეტი, დანტისტები და საკვირაო ბაზრობაც დაუბრუნოს სოფელს.

კიტბეფის მცხოვრებლებმა ბენუა ჰენარტი მერად ზედიზედ მესამედ აირჩიეს.


წყარო: Le Parisien

გადაბეჭდვის წესი


ასევე: