განათლების სამინისტროს ინფორმაციით, შესაძლოა დიდი ბრიტანეთის სანაოსნო სასწავლებელ Portsmouth College-სა და ბათუმის საზღვაო აკადემიას, ასევე, ბათუმისა და ფოთის პროფესიული განათლების ცენტრებს შორის თანამშრომლობა დაიწყოს.
სამინისტროს მიერ გავრცელებულ განცხადებაში ნათქვამია, რომ ამის შესახებ შეთანხმება უკვე არსებობს სამინისტროსა და Portsmouth College-ს შორის.
„მომავალი პარტნიორი ორგანიზაციები ერთმანეთს გამოცდილებას გაუზიარებენ და ერთობლივ პროექტებზე იმუშავებენ. თანამშრომლობის ფარგლებში განხორციელდება სხვადასხვა გაცვლითი პროგრამა“, – ნათქვამია სამინისტროს განცხადებაში.
როგორც „ბათუმელებს“ ბათუმის საზღვაო აკადემიის პრესსამსახურში უთხრეს, ამის შესახებ მათ არ იცოდნენ და ინფორმაცია მინისტრის ვიზიტის ფარგლებში შეიტყვეს. „როცა მინისტრი ჩამოვა, თანამშრომლობის დეტალების განხილვა იქნება შემდეგ“, – ამბობენ პრესსამსახურში.