ნუნუ გომეში და ივან კამპო ბათუმში ჩამოდიან - ზამთრის თასი იწყება

წელს პირველად დავით პეტრიაშვილის სახელობის ზამთრის თასს ბათუმი უმასპინძლებს.

საქართველოს ფეხბურთის ფედერაციის ცნობით, 19 იანვარს ბათუმის ახალ სპორტის სასახლეში გულშემატკივარი ლეგენდარული ფეხბურთელების ტურნირს იხილავს.

2020 წლის გათამაშებაში ზამთრის თასისთვის საქართველოს ვეტერან ფეხბურთელთა ნაკრებთან ერთად ესპანეთის, უკრაინის, თურქეთის, უეფას და ფიფას გუნდები იბრძოლებენ.

“ა” ჯგუფში ერთმანეთს ესპანეთის, უკრაინისა და თურქეთის ვეტერანი ფეხბურთელები დაუპირისპირდებიან, “ბ” ჯგუფში კი საქართველოს, უეფასა და ფიფას ნაკრები გუნდები.

ფიფას ვეტერან ფეხბურთელთა ნაკრებში ლეგენდარული პორტუგალიელი ფეხბურთელი ნუნუ გომეშია. ესპანეთის ნაკრების შემადგენლობაში კი გულშემატკივარ საშუალება ექნება ივან კამპო ნახოს.
https://www.facebook.com/GeorgianFFofficial/posts/3401263233278203?__xts__[0]=68.ARA5dcVNChIEN3v5qzlwN2XVUooOPkVJccVBQy–qy7UZQPkvkSZK9bl_k88dfdikHUrGKHML1TG6ZaFYfLgiihpBrGfEemcVEo3EX3l4rYikmPhzk9AfZpvod8_lBto1OsMAEdgjHGc38NxPZSEvbXkR5hAEEgtsd2H0K2LHy7wKo0nivLMu-NpMV8oyBWMyZuEeI4A-IfofPhXQY1rG_Bq-Ww_FWZe9sIW_5IykqCAVi5S5so6g6zkJjJq3GegQIaOevPoKRtmABL945OJddd8C5QAbSZbuJUdGBqvGGJm9SJAX7gQVeQCYQi_rixhvPPRPDBgSlzlQR2fVdVhG-j9Mg&__tn__=-R

ზამთრის თასის ფარგლებში ლეგენდათა ტურნირი უკვე მეოთხე წელია იმართება. გასულ წლებში ტურნირის გამარჯვებული ორჯერ საქართველოს ვეტერან ფეხბურთელთა ნაკრები გახდა, ერთხელ კი, თურქეთის.