ქობულეთში „სოკარის“ დაცვის თანამშრომელი თოკით დააბეს – გამოძიება ყაჩაღობის მუხლით დაიწყო

ქობულეთში „სოკარ ჯორჯია აჭარას“ ქობულეთის ოფისიდან თანხის წაღება სცადეს. რამდენიმე პირმა დაცვის თანამშრომელი თოკით დააბა და „სოკარის“ სწრაფი ჩარიცხვის აპარატიდან თანხის გატანა სცადა. ამ ეტაპზე უცნობია, მოახერხეს თუ არა თავდამსხმელებმა თანხის წაღება.

„ობიექტზე დაცვის ორი თანამშრომელი იმყოფებოდა, თუმცა მეორე სხვა ოთახში იყო და ამ შემთხვევის შესახებ არ გაუგია. დაცვის თანამშრომელი გაკოჭეს და აპარატიდან თანხის წაღებას ცდილობდნენ… აპარატი გახსნილი არ იყო, სხვა დეტალები ზუსტად არ ვიცი…“ – ამბობს ვახტანგ ბერიშვილი, „სოკარ ჯორჯია აჭარის“ ფილიალის ხელმძღვანელი რეგიონში.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 179-ე მუხლის შესაბამისად დაიწყო, რაც ყაჩაღობას გულისხმობს. მიმდინარეობს საგამოძიებო მოქმედებები. ამ ეტაპზე დაკავებული არავინაა.

ნეტგაზეთის მასალების სხვა გამოცემებში გადაბეჭდვის წესი
ავტორი