ისრაელში დააკავეს რაბინი, რომელსაც 50-მდე ქალი და ბავშვი მონობაში ჰყავდა


ისრაელის პოლიციამ დააკავა 60 წლის კაცი, რაბინი, რომელსაც, ბრალდების მტკიცებით, 50-მდე ქალი და ბავშვი ჰყავდა დატყვევებული. მათ არ შეეძლოთ დაკავშირებოდნენ საკუთარ ნათესავებსა და ახლობლებს და ცხოვრობდნენ მონურ პირობებში.

პოლიციამ გამოძიება ორი თვის წინ დაიწყო შეტყობინების საფუძველზე, რომლის თანახმადაც რელიგიური ლიდერი წლების განმავლობაში ჩადიოდა მძიმე დანაშაულს.  პოლიციის ცნობით, რაბინს 8 თანამზრახველი ჰყავდა. ბრალდებული დააკავეს იერუსალიმის ულტრა ორთოდოქსულ რაიონში.

„ჩვენთვის ცნობილია, რომ ქალები და ბავშვები იქ რამდენიმე თვის განმავლობაში იმყოფებოდნენ საკუთარი სურვილის წინააღმდეგ,“ – აცხადებს პოლიცია. თავად რაბინი ყველა ბრალდებას უარყოფს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.