ბათუმი Forbes-ის 2020 წლის საუკეთესო საინვესტიციო ქალაქების სიაში მოხვდა. სიაში კიდევ ევროპის ხუთი ქალაქია.
ერთ-ერთ მთავარ ფაქტორად, რის გამოც გამოცემის შეფასებით, ბათუმს ინვესტორები ირჩევენ, ესაა მშენებლობების შეუზღუდავი სიმაღლე. „ამ დროისთვის ახალ შენობებზე არ არის დაწესებული სიმაღლის შეზღუდვები, ამიტომ დეველოპერები და მყიდველები მაქსიმალურად იყენებენ შესაძლებლობას,“ – აღნიშნულია სტატიაში.
გამოცემა ასევე წერს, რომ ბათუმი შავი ზღვის პოპულარული კურორტია და აქ 2018 წლიდან 2019 წლამდე 22 752 საცხოვრებელი ბინა აშენდა.
ბათუმში უკვე 14 წელია და მეხუთე მერის პირობებში გენერალური გეგმის გარეშე მიმდინარეობს მშენებლობები. უსისტემო და ქაოტური მშენებლობების შედეგს კი, მოქალაქეები ყოველდღიურად ხედავენ.
ამ თემაზე:
