საქსტატის თანახმად საშუალო ხელფასი თვეში 1 217.1 ლარია


საქსტატის თანახმად, მიმდინარე წლის მესამე კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 91.6 ლარით გაიზარდა და 1 217.1 ლარი შეადგინა.

მონაცემები დღეს, 16 დეკემბერს გამოქვეყნდა. ამ მონაცემების მიხედვით, ქალების საშუალო ხელფასი 924.1 ლარით (წლიური ზრდა 72.2 ლარი) , ხოლო კაცების – 1475.7 ლარით (წლიური ზრდა 115.2 ლარი)  განისაზღვრა.  საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.

საქსტატის თანახმად 2019 წლის მესამე კვარტალში გასული წლის შესაბამის პერიოდთან შედარებით ხელფასები თითქმის ყველა სექტორში გაზრდილია.

შედარებით მაღალი ხელფასი აქვთ შემდეგ სფეროებში დასაქმებულებს:

  • მშენებლობა – 2 008.4 ლარი (წლიური ზრდა – 16.4 პროცენტი);
  • ინფორმაცია და კომუნიკაცია – 1 958.7 ლარი (წლიური ზრდა – 9.7 პროცენტი);
  • პროფესიული, სამეცნიერო და ტექნიკური საქმიანობები – 1 936.2 ლარი (წლიური ზრდა -3.7 პროცენტი);
  • საფინანსო და სადაზღვევო საქმიანობა – 1 898.6 ლარი (წლიური ზრდა – -19.4 პროცენტი).
ნეტგაზეთის მასალების სხვა გამოცემებში გადაბეჭდვის წესი
ავტორი