ამ წუთებში [23:50 სთ.] ხელვაჩაურის სოფელ ზედა ახალშენში ხანძარია. როგორც „ბათუმელებს“ ერთ-ერთმა ადგილობრივმა უთხრა, სავარაუდოდ სოფელთან ტყე ან ეკალბარდი იწვის. შემთხვევის ადგილზე გასულია ბათუმის სახანძრო მანქანები.
„ბათუმელები“ დაუკავშირდა საგანგებო სიტუაციების მართვის სამსახურს სამსახურს, სადაც გვითხრეს, რომ იწვის ეკალბარდი და ადგილზე გასულია სახანძრო-სამაშველო ჯგუფები.
სამაშველოს ინფორმაციით, ცეცხლის კერა დასახლებულ პუნქტთან ახლოს არ არის.
შენიშვნა: საგანგებო სიტუაციების მართვის სამსახურის ინფორმაციით 01:00 საათისთვის ხანძარი ლიკვიდირებულია
ხანძარი სოფელ ზედა ახალშენში / ფოტო ნათია მიქელაძემ მოგვაწოდა, სავარაუდოდ იწვის ტყე
