Batumelebi | ნათია ზოიძემ პროკურატურას მიმართა ნათია ზოიძემ პროკურატურას მიმართა – Batumelebi
RU | GE  

ნათია ზოიძემ პროკურატურას მიმართა

აჭარის საზოგადოებრივი მაუწყებლის დირექტორის მოადგილემ, ნათია ზოიძემ, აჭარის  პროკურორს მიმართა. მის ინტერესებს საქართველოს ახალგაზრდა იურისტთა ასოციაცია იცავს. [ ნათია ზოიძე მაუწყებლის დირექტორის მოვალეობას ასრულებდა  ახალი დირექტორის გიორგი კოხრეიძის არჩევამდე]

საიას განცხადებით აჭარის საზოგადოებრივი მაუწყებლის დირექტორის მოადგილე მიიჩნევს, რომ გიორგი კოხრეიძის ქმედებებში შესაძლოა იკვეთებოდეს სისხლის სამართლის კოდექსით გათვალისწინებული დანაშაულის ნიშნები.

ნათია ზოიძე აჭარის ტელევიზიის დირექტორის მიერ  გაკეთებულ განცხადებებთან დაკავშირებით გამოძიების დაწყებას ითხოვს.

გიორგი კოხრეიძის განცხადებით მან იცის ნათია ზოიძის სატელეფონო კომუნიკაციის ჩანაწერების შესახებ, რომელსაც გაასაჯაროებს თუ მისი პირობები არ იქნება მიღებული: „მაქვს მე ეჭვები და მაჩვენებს დრო, დაკვირვება, ვისთან ჰქონდა, როგორ ჰქონდა კავშირი“ .

ამასთან, ტელევიზიის დირექტორი თავის მოადგილეს სისხლის სამართლის დანაშაულის ჩადენაში ადანაშაულებს.

ამავე თემაზე:

ჟურნალისტი ნათია ზოიძე: თუ არ ჩამოვშორდები სარედაქციო პოლიტიკას, დირექტორი დევნით მემუქრება

 

ნეტგაზეთის მასალების სხვა გამოცემებში გადაბეჭდვის წესი
ავტორი