5 დეკემბერს, აშშ-ში, მიჩიგანში, უჩვეულო სასამართლო სხდომა შედგა. პატარა ბიჭმა, 5 წლის მაიკლმა, საბავშვო ბაღის მთელი ჯგუფი დაპატიჟა სასამართლოში, რათა მეგობრები მისი შვილად აყვანის ოფიციალურ სასამართლო სხდომას დასწრებოდნენ.
ფოტოზე, რომელიც კენტის სასამართლომ გამოაქვეყნა, ჩანს მაიკლი თავისი მშობლების გვერდით, მათ უკან კი ბავშვები ქაღალდის გულებით.
სასამართლო მოსმენის დროს, ბავშვებსაც მიეცათ საშუალება, ეთქვათ, თუ რატომ მოვიდნენ სასამართლოში.
„მაიკლი ჩემი მეგობარი“ – თქვა სტივენმა.
„მე მქვია ლილი და მე მიყვარს მაიკლი“ – უთხრა მოსამართლეს პატარა გოგონამ, რომელსაც კისერზე საშობაო მოსართავი ეკეთა.
სასამართლო დარბაზში ტაში დაუკრეს მას შემდეგ, რაც გაისმა სასამართლო ჩაქუჩის ხმა, იმის დასტურად, რომ მაიკლი მისმა მშობლებმა ოფიციალურ აიყვანეს შვილად.
მაიკლის ისტორიამ უმალვე მიიქცია მედიის ყურადღება.
„მაიკლის შესახებ ამბავი ფეისბუქზე 12 მილიონმა ადამიანმა ნახა. შესაძლოა, მაიკლისა და მისი ისტორიის მიმართ ყურადღება გვაჩვენებს, რომ ის, რაც გვაერთიანებს, გაცილებით უფრო მნიშვნელოვანია ჩვენთვის, ვიდრე ის, რაც გვყოფს. ჩვენ ეს გაკვეთილი გვასწავლა ხუთი წლის ბიჭმა, რომელსაც არასდროს უცდია სწავლება. მან მხოლოდ მოგვცა საშუალება სიყვარულის მოწმეები ვყოფილიყავით. მადლობა მაიკლ“ – ვკითხულობთ კენტის სასამართლოს ფეისბუქგვერდზე.
ფოტო: FB
ფოტო: FB
________
წყარო: BBC
