მთავარი,სიახლეები

ოცნების ქალაქში სახლებშიც წვიმს [ფოტო]

02.11.2019 • 1331
ოცნების ქალაქში სახლებშიც წვიმს [ფოტო]

ე.წ. ოცნების ქალაქი დატბორილია, წყალი შევიდა სახლებშიც, ზოგიერთ სახლში კი წყალი ჭერიდანაც ჩადის. ამ წუთებში ადგილზე შპს „ბათუმის წყლის“ სპეცტექნიკა მუშაობს, დაწყებულია ამოტუმბვის სამუშაოები.

ფოტო: როინ გუნდაძე

„ოცნების ქალაქში“ მცხოვრებლები დღეს აჭარის მთავრობის სახლთან აქციის გამართვას გეგმავდნენ, თუმცა უამინდობის გამო გადადეს. ისინი დაპირებული ბინების მშენებლობის დაგვიანების გაპროტესტებას აპირებდნენ.

ე.წ. „ოცნების ქალაქი“ ბათუმთან ახლოს, ხელვაჩაურში, ყოფილი სამხედრო ბატალიონის ტერიტორიაზე 2012 წელს, საპარლამენტო არჩევნების შემდეგ გაჩნდა. ყოფილი 25-ე და 53-ე სამხედრო ბატალიონების ბაზების ტერიტორიაზე ოჯახებმა, რომელთა ნაწილი აცხადებდა, რომ ეკომიგრანტები იყვნენ ან არ გააჩნდათ საცხოვრებელი, ხის ფიცრულები ააგეს და დასახლდნენ, თუმცა, თანდათან ხის ნაგებობებს კაპიტალური შენობები ჩაენაცვლა.

ტერიტორია, სადაც „ოცნების ქალაქია“ გაშენებული, აჭარის ავტონომიური რესპუბლიკის საკუთრებაა.

„ოცნების ქალაქში“ მცხოვრები ოჯახების რეგისტრაცია 2019 წლის 9 თებერვალს დაიწყო.

 

გადაბეჭდვის წესი


ასევე: