აჭარაში 763 მასწავლებელს ხელფასი 20%-ით გაეზრდება – 2020 წლის ბიუჯეტის პროექტი


დღეს, 29 ოქტომბერს, აჭარის მთავრობის სხდომა გაიმართა, სადაც 2020 წლის ბიუჯეტის პროექტი წარმოადგინეს. მთავრობის ინფორმაციით, მომავალ წელს განათლების ბიუჯეტი 30 მილიონ 619 600 ლარია, სადაც შედის როგორც ინფრასტრუქტურული პროექტების დაფინანსება, ასევე სხვადასხვა საგანმანათლებლო პროგრამები.

აჭარის განათლების სამინისტროს ინფორმაციით, მომავალ წელს 20 პროცენტით გაეზრდება ხელფასი 763 პედაგოგს, რომლებიც სახელოვნებო, სასპორტო და სახელმწიფო სკოლა-პანსიონებში მუშაობენ.

ხელფასების 20-პროცენტიანი ზრდისთვის ბიუჯეტის პროექტში 200  ათასი ლარია გათვალისწინებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com