ძლიერი წვიმის შემდეგ ბათუმში გამოიდარა. თბილი ამინდი თითქმის ხუთი დღის განმავლობაში გაგრძელდება.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, ხვალიდან ბათუმში თბილი ამინდი შენარჩუნდება. უნალექო ამინდია მოსალოდნელი ორშაბათს, 14 ოქტომბერსაც. ჰაერის ტემპერატურა +22, +24 გრადუსამდე გათბება, ხოლო 15-17 ოქტომბერს +25, +27 გრადუსამდე სითბოა მოსალოდნელი, ღამის საათებში ტემპერატურა დაიკლებს.
სინოპტიკოსების ცნობით, 14 ოქტომბრიდან 18 ოქტომბრამდე ისევ თბილი და უნალექო ამინდია მოსალოდნელი.
დღეს, ბათუმში ძლიერი წვიმა იყო. მოგვიანებით მზე გამოვიდა. სინოპტიკოსების პროგნოზით მომდევნო 5 დღე მზიანი იქნება.
Posted by ბათუმელები • Batumelebi.ge on შაბათი, 12 ოქტომბერი, 2019