აფეთქება ავსტრიაში, აეროპორტის ტერიტორიაზე – დაშავებულია 9 ადამიანი


ავსტრიაში, ლინცში, ჰიორშინგის აეროპორტის ტერიტორიაზე, დღეს, 10 ოქტომბერს, აფეთქება მოხდა. „ბიბისის“ ცნობით, დაშავებულია მინიმუმ 9 ადამიანი, ადგილობრივი გამოცემები წერენ, რომ სამ დაშავებულს სერიოზული ტრავმები აღენიშნება.

„ბიბისი“ წერს, რომ აფეთქების მიზეზი ჯერჯერობით უცნობია. ზუსტდება ინფორმაცია, რომ აფეთქება მოხდა ნაგვის უტილიზაციის საამქროში, სადაც აფეთქების დროს 23 ადამიანი იმყოფებოდა. ხანძარს აეროპორტის ტერიტორიაზე ამ დრომდე ებრძვიიან.

დაკარგულების შესახებ ინფორმაცია არ ვრცელდება.

ტერიტორიაზე, სადაც აფეთქება მოხდა, ძლიერი დაკვამლიანება აღინიშნება, თუმცა აეროპორტი აგრძელებს მუშაობას.

____________
მთავარი ფოტო: აფეთქება აეროპორტის ტერიტორიაზე, Westdeutsche Zeitung 
ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.