მთავარი,სიახლეები

BIAFF 2019 – კინოფესტივალის სრულმეტრაჟიანი მხატვრული ფილმების პროგრამა

09.09.2019 • 1475
BIAFF 2019 – კინოფესტივალის სრულმეტრაჟიანი მხატვრული ფილმების პროგრამა

ბათუმის საერთაშორისო კინოფესტივალი 2019 წლის 15-22 სექტემბერს ჩატარდება. 2006 წელს დაარსებული კინოფესტივალი წელს მეთოთხმეტედ იმართება და მისი ორგანიზატორია ბათუმის ხელოვანთა სახლი „არგანი“, ოფიციალური პარტნიორი კი – ქალაქ ბათუმის მერია.

უკვე ცნობილია BIAFF 2019-ის სრულმეტრაჟიანი მხატვრული ფილმების საკონკურსო სექციაში წარმოდგენილი 10 ფილმი, ესენია:

[checklist]

  • ბიუზჰალტერი, ვეიტ ჰელმერი, გერმანია / აზერბაიჯანი, 2018 წელი, 90 წთ.
  • “გულგრილად ლამაზი”, კივანჩ სეზერი, თურქეთი, 2019, 94 წთ.
  • “და იქმნა ნათელი“, მარკო სკოპი, სლოვაკეთის რესპუბლიკა / ჩეხეთი, 2019; 93 წთ.
  • „დღის სასიამოვნო დასასრული“, იაცეკ ბორცუხი, პოლონეთი, 2019; 96 წთ.
  • “მბრძანებლის ხმა”, გეორგი პალფი, კანადა / უნგრეთი / საფრანგეთი / შვედეთი / აშშ; 2018; 108 წთ
  • “სატყუარა”, მარკ ჯენკინი, დიდი ბრიტანეთი, 2019; 89 წთ.
  • “სეზონის დასასრული”, ელმარ იმანოვი, გერმანია / აზერბაიჯანი / საქართველო, 92 წთ.
  • “სიზმრების ციხესიმაგრე”, რეზა მირკარიმი, ირანი, 2019 წელი, 86 წთ.
  • “სიცარიელე“, ალექსი სალმენპერა, ფინეთი, 2018; 97 წთ.
  • „სამი დის ზღაპარი“, ემინ ალპერი, თურქეთი/გერმანია, 2019; 108 წთ.

[/checklist]

საუკეთესო მხატვრულ ფილმებს კონკურსზე ოთხ ნომინაციაში გამოავლენენ: საუკეთესო ფილმი, ჟიურის სპეციალური პრიზი, საუკეთესო რეჟისურა და ქალისა და მამაკაცის საუკეთესო როლის შემსრულებელი.

BIAFF 2019 – ის საერთშორისო ჟიური 5 წევრისგან შედგება: ალექსანდრე მინდაძე (რუსეთი) – ჟიურის თავჯდომარე, ტატიანა დეტლოფსონი (აშშ), 3. მარტინ ბლეინი (დიდი ბრიტანეთი), კარმენ გრეი (დიდი ბრიტანეთი) და რუსუდან გლურჯიძე (საქართველო).

ფესტივალის კინოჩვენებები გაიმართება კინოთეატრ „აპოლოში“, სასტუმრო “Wyndham”-ის საკონფერენციო დარბაზსა და ღია ცის ქვეშ, ევროპის მოედანზე.

კინოჩვენებებზე დასწრება უფასოა. კინოთეატრ „აპოლოში“ ჩვენებებზე დასწრებისთვის საჭიროა ე.წ. „უფასო ბილეთების“ აღება (რაც დაჯავშნისა და კონტროლისთვის გამოიყენება) კინოთეატრში BIAFF ინფოცენტრში.


გადაბეჭდვის წესი


ასევე: