რეკლამა,სიახლეები

ხელვაჩაურის სოფლებში ადგილობრივი მთავრობის წარმომადგენლები მოსახლეობას შეხვდნენ

27.08.2019 • 996
ხელვაჩაურის სოფლებში ადგილობრივი მთავრობის წარმომადგენლები მოსახლეობას შეხვდნენ

“ჩვენთვის მთავარი პრიორიტეტი არის მოქალაქე და მისი კეთილდღეობის უზრუნველყოფა,” – აღნიშნული განცხადება აჭარის ა/რ რესპუბლიკის მთავრობის თავმჯდომარემ, თორნიკე რიჟვაძემ ფერიის ადმინისტრაციული ერთეულის მოსახლეობასთან შეხვედრაზე გააკეთა.

თორნიკე რიჟვაძესთან ერთად, სოფელ ფერიის ცენტრსა და ახალშენის მეურნეობაში გამართულ შეხვედრებს საქართველოს პარლამენტის ვიცე-სპიკერი ილია ნაკაშიძე, აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე, აჭარის ა/რ უმაღლესი საბჭოს ვიცე-სპიკერი მერაბ კარანაძე, ხელვაჩაურის მუნიციპალიტეტის მერი ჯუმბერ ვარდმანიძე ესწრებოდნენ.

შეხვედრა მოსახლეობასთან

შეხვედრა მოსახლეობასთან

მოსახლეობის მთავარ პრიორიტეტს სასმელი წყლის მიწოდება, გზების მოწესრიგება, გარე განათებისა და ცენტრალური საკანალიზაციო სისტემის მოწყობა წარმოადგენდა. პარლამენტის ვიცე-სპიკერმა მოსახლეობას მიწის რეფორმის ახლო მომავალში დასრულებასთან დაკავშირებით მიაწოდა ინფორმაცია.

ზაალ მიქელაძე მოქალაქეებს ჯანდაცვის სამინისტროს პროგრამებზე ესაუბრა და მათ მეტი ჩართულობისკენ მოუწოდა. „სწორედ თქვენთან, მოსახლეობასთან შეხვედრებისას, თქვენი პრობლემების განხილვისას იქმნება და იწერება პროგრამები ჯანმრთელობისა და სოციალური დაცვის მიმართულებით,“ – აღნიშნა მინისტრმა. მთავრობის თავმჯდომარე და სახელისუფლებო გუნდი მოსახლეობას პრობლემების მოკლე დროში მოგვარებას დაჰპირდა.

მოსახლეობასთან შეხვედრა

მოსახლეობასთან შეხვედრა

,,თქვენთან შეხვედრები მნიშვნელოვნად გვეხმარება ბიუჯეტის პრიორიტეტების განსაზღვრაში,’’ – განაცხადა აჭარის ა/რ რესპუბლიკის მთავრობის თავმჯდომარემ, ჭარნალისა და თხილნარის ადმინისტრაციული ერთეულების მოსახლეობასთან შეხვედრისას.

თორნიკე რიჟვაძესთან ერთად, სოფელ ახალსოფლისა და თხილნარის ცენტრში გამართულ შეხვედრებს საქართველოს პარლამენტის ვიცე-სპიკერი ილია ნაკაშიძე, აჭარის არ მინისტრთა კაბინეტის სრული შემადგენლობა, აჭარის ა/რ უმაღლესი საბჭოს ვიცე-სპიკერი მერაბ კარანაძე, ხელვაჩაურის მუნიციპალიტეტის მერი ჯუმბერ ვარდმანიძე ესწრებოდნენ.

მინისტრებმა მოქალაქეებს სამინისტროების მოქმედ და 2020 წლისათვის დაგეგმილ პროგრამებზე მიაწოდეს ინფორმაცია

მინისტრებმა მოქალაქეებს სამინისტროების მოქმედ და 2020 წლისათვის დაგეგმილ პროგრამებზე მიაწოდეს ინფორმაცია

მოსახლეობის მთავარ პრიორიტეტს სასმელი წყლისა და ბუნებრივი აირის მიწოდება, გზების მოწესრიგება და მიწის დაკანონების საკითხი წარმოადგენდა. მინისტრებმა მოქალაქეებს სამინისტროების მოქმედ და 2020 წლისათვის დაგეგმილ პროგრამებზე მიაწოდეს ინფორმაცია.

მთავრობის თავმჯდომარე და სახელისუფლებო გუნდი მოსახლეობას დაჰპირდა, რომ მსგავსი ტიპის შეხვედრები პერმანენტულად გაიმართება და სისტემატურ ხასიათს მიიღებს.

გადაბეჭდვის წესი


ასევე: