მედეა ვასაძე წერს, რომ 30 000 დოლარი შესთავაზეს და სუს-ს პროვოკაციაში ადანაშაულებს


აჭარის უმაღლესი საბჭოს ყოფილი წევრი, მედეა ვასაძე სახელმწიფო უსაფრთხოების სამსახურის უფროსს, ვახტანგ გომელაურს მიმართავს და მას პროვოკაციაში ადანაშაულებს. მედეა ვასაძე წერს, რომ დღეს, 23 აგვისტოს, მას ქრთამად 30 000 დოლარი შესთავაზეს სამსახურის სანაცვლოდ.

„მან შემოსვლისთანავე დააზუსტა ვიყავი თუ არა მარტო, მოკითხვის შემდეგ კი მითხრა, რომ ბოლო ოცი წელი ცხოვრობდა რუსეთში, იყო ერთი თვის დაბრუნებული, ეძებდა სამსახურს, მზად იყო თანხის (30 000 დოლარის) გადასახდელად, რომლის ნაწილიც თან ჰქონდა და დამისახელა რამდენიმე თანამდებობა, აგრეთვე თანახმა იყო იმაზეც, რასაც შევთავაზებდი. ჩემი პასუხი მდგომარეობდა იმაში, რომ თუ რაიმე შემეძლო, ამის გარეშეც დავეხმარებოდი, ამ შინაარსის თხოვნას კი კატეგორიულად არ ვღებულობდი. ბატონო გომელაურო, შეწყვიტეთ ეს მაპროვოცირებელი, დაგეგმილი, მართვადი ქმედებები, რომელიც ერთხელ უკვე,”მოსინჯული” გაქვთ მურმან დუმბაძესთან მიმართებაში (2015 წელს), რაზედაც მიმართული გვაქვს პროკურატურისათვის და მეხუთე წელია, მიუხედავად იმისა, რომ პროვოკაციის მომწყობი თქვენი აგენტი უკანვე “ჩაგაბარეთ”, გამოძიება ადგილიდან დაძრულიც კი არ არის“ – წერს მედეა ვასაძე. 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com