ვაპროტესტებთ ბეტონის ბატონობას ქალაქზე [ფოტორეპორტაჟი]

დღეს, 29 ივლისს, საზოგადოება „ბათომის“ წევრებმა, ასევე „ძველი ბათუმის დამცველმა“, სამოქალაქო აქტივისტებმა, კიდევ ერთხელ გააპროტესტეს „რივიერას“ პროექტი, რომელიც ჭაჭის კოშკის მიმდებარედ ხუთი ცათამბჯენის მშენებლობას ითვალისწინებს.

არა – „რივიერას“ პროექტს
ფოტო: ლელა დუმბაძე/ბათუმელები

აქციის მონაწილეთა განცხადებით, ამ პროექტით ხუთი ცათამბჯენის მშენებლობის შედეგად ქალაქი დაიჩრდილება და შესაძლოა გამოიწვიოს ეკოლოგიური საფრთხეები.

„მინდვრებში არასასურველ სტუმრებს „საფრთხობელათი“ აშინებენ. ჩვენ ეს საფრთხობელა გვინდა აღვმართოთ იმის საჩვენებლად, თუ რამდენად არასასურველია „რივიერას“ პროექტი ქალაქისთვის“, – განაცხადეს აქციის მონაწილეებმა.  
ფოტო: ლელა დუმბაძე/ბათუმელები

ქალაქის მცხოვრებთა ნაწილი, ვინც რივიერაზე მშენებლობას ეწინააღმდეგება, ამბობს, რომ ამ პროექტის განხორციელებით ხელისუფლება მოქალაქეთა ინტერესებს უგულებელყოფს.

არა- ქალაქის ჩაბეტონებას
ფოტო: ლელა დუმბაძე/ბათუმელები

აქციის მონაწილეთა განცხადებით, 5 თაცამბჯენის მშენებლობით ისედაც შემცირებული რეკრეაციული სივრცეები კიდევ უფრო შემცირდება ქალაქში.

„საფრთხობელა“ ხუთი ცათამბჯენის წინააღმდეგ
ფოტო: ლელა დუმბაძე/ბათუმელები

„რივიერას“ პროექტზე სამართლებრივი პროცედურები ბათუმის მერიამ მოქალაქეთა წინააღმდეგობის მიუხედავად მაინც დაიწყო. პროექტს აქტიურად უჭერს მხარს ბათუმის მერი ლაშა კომახიძეც.

„გაწიე ბეტონი, მზე დამანახე“, „რივიერა“ ცათამბჯენების გარეშე“ – ამ გზავნილებით ბათუმელები საპროტესტო აქციებს პერმანენტულად მართავენ

ხუთი ცათამბჯენის სიმბოლოდ აღმართული „საფრთხობელა“ ბათუმის კონცხზე
ფოტო: ლელა დუმბაძე/ბათუმელები

„ამბობენ, კორპუსებს იქეთ ზღვა არისო“ – ბათუმელები „რივიერას“ წინააღმდეგ