მთავარი,სიახლეები

სტადიონის დასრულების სამუშაოების ზედამხედველობით ერთი კომპანია დაინტერესდა

15.07.2019 • 1282
სტადიონის დასრულების სამუშაოების ზედამხედველობით ერთი კომპანია დაინტერესდა

ბათუმში საფეხბურთო სტადიონის მშენებლობის მეორე ეტაპის სამუშაოების ტექნიკური ზედამხედველობით მხოლოდ ის კომპანია დაინტერესდა, რომელიც პირველი ეტაპის სამუშაოებს ზედამხედველობს. კომპანია „სიემსი“ მომსახურებას შპს „სტადიონს“ ზუსტად იმ ფასად სთავაზობს, რაც სატენდერო თანხა იყო – 576 670 ლარად.

ვინაიდან „სიემსი“ ტენდერში მონაწილე ერთადერთი პრეტენდენტია, შპს „სტადიონის“ სატენდერო კომისიამ განიხილა მის მიერ წარდგენილი დოკუმენტაცია და კომპანიას გარკვეული დაზუსტებები მოსთხოვა. დაზუსტებული ტექნიკური დოკუმენტაცია „სიემსმა“ 2019 წლის 18 ივლისამდე უნდა წარადგინოს.

სტადიონის მშენებლობის პირველი ეტაპის სამუშაოების ტექნიკურ ზედამხედველობაზე „სიემსთან“ ხელშეკრულება 2 388 580 ლარზეა გაფორმებული. ამ შემთხვევაში ტენდერში სამი კომპანია მონაწილეობდა, სატენდერო თანხა კი 2 437 431 ლარი იყო.

საფეხბურთო სტადიონის მშენებლობას [პირველი ეტაპი] კომპანია „ანაგი“ ახორციელებს. ამავე კომპანიამ გაიმარჯვა მეორე ეტაპის [სტადიონის მშენებლობის დასრულების] სამუშაოების შესყიდვაზე გამოცხადებულ ტენდერშიც. შესაბამისად, „ანაგთან“ ხელშეკრულებები დღგ-ს ჩათვლით, 117 349 122 და 24 520 400 ლარზეა გაფორმებული.

მშენებლობის პირველი და მეორე ეტაპები, ანუ მთლიანად საფეხბურთო სტადიონის მშენებლობა, 2020 წლის 15 ოქტომბრამდე უნდა დასრულდეს.

ამ თემაზე:

ნახევარი მილიონი ლარი სტადიონის დასრულების სამუშაოების ზედამხედველობისთვის

გადაბეჭდვის წესი


ასევე: