ბათუმის უნივერსიტეტში საერთაშორისო სამეცნიერო კონფერენცია გაიხსნება


16 ივლისს ბათუმის შოთა რუსთაველის უნივერსიტეტში საერთაშორისო კონფერენცია – „იაპონია-ხმელთაშუა ზღვის ქვეყნების მე-11 საერთაშორისო ვორქშოფი“ გაიხსნება.

ბსუ-ს ინფორმაციით, კონფერენციის მიზანი  მაგნიტურ, ოპტიკურ, ზეგამტარ, მრავალფუნქციურ  და ნანომასალებში ახალი კვლევების, მიღწევებისა და შედეგების გაცნობაა.

კონფერენციაში მონაწილეობენ ბათუმის რუსთაველის უნივერსიტეტის, ასევე, საქართველოს ტექნიკური უნივერისტეტის, გერმანიის, იაპონიის, ამერიკის შეერთებული შტატებისა და სხვა ქვეყნების წამყვანი უნივერსიტეტების მეცნიერ-თანამშრომლები.

„კონფერენციის ამოცანაა შექმნას და განამტკიცოს მეცნიერული კავშირები, საფუძველი ჩაუყაროს ახალ კვლევებს, რაც სამომავლოდ განაპირობებს ერთობლივი სამეცნიერო პროექტების დაგეგმვასა და განხორციელებას“.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com