მასწავლებლის კომპეტენციის დამადასტურებელ საგნობრივ გამოცდაზე ერთ-ერთი მასწავლებელი არაფხიზელ მდგომარეობაში მივიდა. ამის შესახებ ინფორმაციას შეფასებისა და გამოცდების ეროვნული ცენტრი ავრცელებს.
„იყო დაგვიანების 9 შემთხვევა, სესიებიდან 3 აპლიკანტი მოიხსნა, ორ შემთხვევაში მოხსნის მიზეზი დამხმარე მასალის გამოყენების მცდელობა გახდა, მესამე შემთხვევაში – არაფხიზელი მდგომარეობა“.
პედაგოგები დღეს გამოცდას პროფესიულ უნარებში აბარებენ. გამოცდები გუშინ, 10 ივლისს, დაიწყო. ცენტრის ინფორმაციით, სამივე სესიაზე, დარეგისტრირებულ პედაგოგთა 81 პროცენტი გამოცხადდა.
მასწავლებლის კომპეტენციის დადასტურების პროცესი 21 ივლისს დასრულდება. კომპეტენციის დამადასტურებელ გამოცდაზე წელს დაახლოებით 25 ათასამდე პრაქტიკოსი პედაგოგი და პედაგოგობის მსურველი იყო დარეგისტრირებული.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
