Batumelebi | მასწავლებლის კომპეტენციის დამადასტურებელ გამოცდაზე 15 პროცენტი არ გამოცხადდა მასწავლებლის კომპეტენციის დამადასტურებელ გამოცდაზე 15 პროცენტი არ გამოცხადდა – Batumelebi

მასწავლებლის კომპეტენციის დამადასტურებელ გამოცდაზე 15 პროცენტი არ გამოცხადდა

დღეს, 10 ივლისს, მასწავლებლის კომპეტენციის დამადასტურებელი გამოცდები დაიწყო. გამოცდაზე მასწავლებელთა 15 პროცენტი არ გამოცხადდა.

შეფასებისა და გამოცდების ეროვნული ცენტრის ინფორმაციით, გამოცდაზე 25 ათასზე მეტი პედაგოგი იყო დარეგისტრირებული, აქედან 5 ათასი – მასწავლებლობის მსურველი, 20 ათასამდე კი – პრაქტიკოსი მასწავლებელი.

ცენტრის ინფორმაციით, დღევანდელი სესია პრაქტიკოსი პედაგოგების პროფესიული უნარების დადასტურებას დაეთმობა. ზაფხულის გამოცდაზე პენსიონერი პრაქტიკოსი პედაგოგებიც დარეგისტრირდნენ. ახალი რეგულაციით, პრაქტიკოსი პედაგოგი, რომელიც 2019 წლის ბოლომდე ვერ დაამტკიცებს საგნობრივ კომპეტენციას, 2020 წლიდან მისი ადგილი ვაკანტურად გამოცხადდება.

განათლების სამინისტრო პრაქტიკოს პედაგოგებს ურჩევს, აიღონ სახელმწიფო ჯილდო (ორი წლის ხელფასი ჯამურად) და გავიდნენ პროფესიიდან.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com