„სოკარ ჯორჯია გაზის“ პრესსამსახურის ინფორმაციით, დღეს, 26 ივნისს, საღამოს 21 საათიდან გაზის მიწოდება შეუწყდებათ ბათუმში მდებარე მსხვილ ობიექტებს: სასტუმროებს, რესტორნებს, ქარხნებს, პურის საცხობებს და ა.შ. კომპანიის ინფორმაციით, ობიექტებს გაზის მიწოდება ხვალ დილით აღუდგებათ.
„სოკარის“ პრესსამსახურში ამბობენ, რომ გაზის გათიშვის მიზეზი სარეაბილიტაციო სამუშაოებია, რომელიც ხვალ, 27 ივნისს იწყება და დიდი ობიექტების გათიშივა ეტაპობრივად მიმდინარეობს.
„გაფრთხილებული არიან ობიექტები. ხვალ დილას, გამთენიისას გაზი ჩაირთვება“ – ამბობენ „სოკარში“.
ასევე, ხვალ, 27 ივნისს, დილის 7 საათიდან გაზი გაეთიშება ქალაქ ქობულეთის ნაწილს და ჩაქვიდან სალიბაურამდე მცხოვრებ აბონენტებს. კომპანიის ინფორმაციით, გაზის მიწოდება აღდგება იმავე დღეს, საღამოს 9 საათიდან, ეტაპობრივად.
28 ივნისის 11:00 საათიდან 28 ივნისის 15:00 საათამდე კი გაზმომარაგება შეუწყდება ბათუმში ენვერ ხაბაძის ქუჩას. კომპანიის ცნობით, აბონენტებს ბუნებრივი გაზის მიწოდება სამუშაოების დასრულებისთანავე ეტაპობრივად აღუდგებათ.
კომპანიის ცნობით, გაზის შეწყვეტის მიზეზი გაზსადენზე დაგეგმილი სარემონტო-საექსპლუატაციო სამუშაოებია.
