5:1 – ბათუმის “დინამომ” ბოლნისის “სიონი” დაამარცხა


დღეს, 29 მაისს, ბათუმში ანგისის საწვრთნელ ბაზაზე ეროვნული ლიგის მეთექვსმეტე ტურის მატჩი გაიმართა „დინამო“ ბათუმსა და ბოლნისის „სიონს“ შორის. საკუთარ სტადიონზე ბათუმის „დინამომ“ „სიონს“  5:1 სძლია.

პირველი საგოლე მომენტი ბათუმის „დინამოს“ მატჩის დაწყებიდან მეოთხე წუთზე ჰქონდა, რამოსმა კარის მიმართულებით დაარტყა, თუმცა ააცილა. ამის შემდეგ ბათუმელებს კიდევ რამდენჯერმე ჰქონდათ გოლის გატანის შანსი. საბოლოოდ, 38-ე წუთზე ბათუმის „დინამომ“ ანგარიში მამუჩაშვილის გოლით გახსნა.

პირველი ტაიმი 1:0 დასრულდა „დინამოს“ სასარგებლოდ.

მეორე ტაიმში მე-60 წუთზე „სიონის“ კარში პენალტი დაინიშნა. გაბრიელ რამოსმა ზუსტი დარტყმით ანგარიში 2:0 გახადა.

"დინამო" ბათუმი VS ბოლნისის "სიონი"

დღეს, 29 მაისს, ბათუმში ანგისის საწვრთნელ ბაზაზე ეროვნული ლიგის მეთექვსმეტე ტურის მატჩი იმართება. „დინამო“ ბათუმი და ბოლნისის „სიონს“ ხვდება.ნახეთ პენალტი, რომელიც გაბრიელ რამოსმა შეასრულა.ვიდეო: გიორგი ვარშანიძე

Posted by ბათუმელები • Batumelebi.ge on ოთხშაბათი, 29 მაისი, 2019

პენალტიდან ხუთ წუთში, მატჩის 65-ე წუთზე ბენჟამინ ტეიდმა „სიონის“ კარის მიმართულებით დაარტყა და ანგარიში სამ ბურთამდე გაიზარდა.

76-ე წუთზე მამუჩაშვილმა კიდევ ერთხელ დაარტყა ბოლნისის „სიონის“ კარის მიმართულებით და ანგარიში ოთხამდე გაიზარდა.

83-ე წუთზე ბოლნისის „სიონის“ ფეხბურთელმა რომან ჩაჩუამ შეძლო და პირველი გოლი გაიტანა ბათუმის „დინამოს“ კარში.

მეორე ტაიმის მიწურულს, დამატებით დროში ბათუმის “დინამოს” ფეხბურთელმა საბანაძემ კიდევ ერთი გოლი გაიტანა და ანგარიში 5:1 გახდა.

საბოლოოდ შეხვედრა 5:1 ანგარიშით დასრულდა.

მთელი მატჩის განმავლობაში ანგისის სტადიონის გარე პერიმეტრს პოლიცია გაძლიერებულად იცავდა. მიზეზი ის სანქციები გახდა, რომელიც „დინამო“ ბათუმს დაეკისრა. კლუბი სხვადასხვა მატჩში მომხდარი ინცინდენტებისთვის ჯამში 40 ათასი ლარით დააჯარიმეს. ამის შესახებ დღეს გახდა ცნობილი.

 

ანგისის ბაზა ტრადიციულად მაყურებლით იყო გადაჭედილი ფოტო: გიორგი ვარშანიძე

მატჩის მიმდინარეობისას მოედნის ირგვლივ პოლიცია იყო მობილიზებული

“დინამო” ბათუმის გულშემატკივრები ზეიმობენ გამარჯვებას ფოტო: გიორგი ვარშანიძე

ფანები ბათუმის „დინამოს“ თამაშებს შესაძლოა ვეღარ დაესწრონ – გუნდი 40 ათასით დააჯარიმეს

ნეტგაზეთის მასალების სხვა გამოცემებში გადაბეჭდვის წესი
ავტორი