ბათუმის საკრებულოს ინფორმაციით, საკრებულოს წევრი „ერთიანი ნაციონალური მოძრაობიდან“ როინ ზოიძე საკრებულოს წევრის მანდატს ტოვებს. უფლებამოსილების შეწყვეტის თაობაზე პირადი განცხადებით მან საკრებულოს თავმჯდომარეს დღეს, 27 მაისს, მიმართა.
მოქმედი კანონმდებლობისა და ბათუმი საკრებულოს რეგლამენტის შესაბამისად, საკრებულო აღნიშნულ განცხადებას საკრებულოს უახლოეს სხდომაზე ცნობად მიიღებს.
როინ ზოიძემ „ბათუმელებს“ უთხრა, რომ ეს გადაწყვეტილება ოჯახური მდგომარეობიდან გამომდინარე მიიღო.
პარტიის ბათუმის საკრებულოს საარჩევნო სიაში მეხუთე ნომრად გელა დეკანაძე იყო დაფიქსირებული, შესაბამისად, საკრებულოში როინ ზოიძეს ის ჩაანაცვლებს.